Алматы полиция департаменті бастығының орынбасары Рустам Әбдірахманов «Mudarabah Capital» қаржы пирамидасын жарнамалаған блогерлер мен вайнерлерді жауапқа тартуға бола ма деген сұраққа деп жауап берді.
Бұл туралы Orda.kz хабарлады.
Спикер тікелей эфир барысында аталған қылмыстық іске қатысты қалалық полиция департаментінде тергеу жұмыстары жүргізіп жатқаны туралы айтты.
– Бүгінде төрт адам қамауда, бесінші адам үй қамақта отыр. Жақында ғана біз «Mudarabah Capital» ЖШС директорын ұстадық. Бұл қылмыстық іс бойынша басқа да айыпталушылар бар. Қазіргі уақытта оларға қатысты жұмыс жалғасуда.
Қылмыстық іс жүргізу кодексінде көзделген белгілі бір шектеулер бар. Осыған байланысты мен сотқа дейінгі тергеп-тексеру деректерін жария ете алмаймын. Осы айда біз жарнама, ақша жинаумен айналысқан әрбір қатысушыға құқықтық баға береміз деп ойлаймын. Оның бәріне уақыт қажет, – деді Рустам Әбдірахманов тікелей эфир барысында.
Бұған дейін Рустам Әбдірахманов «Mudarabah Capital» компаниясының 40 жастағы иесі Алматыда қаржы пирамидасын ұйымдастырды деген күдікпен ұсталғанын хабарлаған болатын. Бұл компанияның жарнамасында танымал қазақстандық вайнерлер – Мейіржан Төребаев, Мейірхан Шерниязов және Әзім Саидбаевтар түскен.
