Қаржы министрлігі мобильді аударымдарға салынатын салық туралы айтты

ҚР Қаржы министрлігі мобильді төлемдерге қатысты ең көп тараған сұрақтарға жауап беретін иллюстрациялар топтамасымен бөлісті.

Еске салсақ, Сенат депутаттары Салық кодексіне түзетулерді қабылдады. Жоба аясында Қазақстан мобильді трансферттерге салық салуды көздеп отыр.

Төмендегідей ұсыныстар жасалды:

• «мобильді төлемдер» түсінігін анықтау;
• мобильді төлемдер арқылы тауарлар мен қызметтерді төлеу үшін онлайн бақылау-кассалық құрылғыларды пайдалануды заңдастыру;
• кәсіпкерлерді бизнес жүргізу үшін бөлек шоттарды пайдалануға міндеттеу.

Қаржы министрлігінің мәліметінше, бұл жеке тұлғалардың жеке аударымдарын бизнес мақсатында жүзеге асырылатын мобильді төлемдерден бөлуге мүмкіндік береді.

Бұған дейін Kaspi банк та ең өзекті сұрақтарға жауап берген.