Қаржы министрі үкімет отырысында есеп берді

2021 жылдың қыркүйек айына дейінгі кіріс пен шығыс туралы қаржы министрі Ерұлан Жамаубаев 14 қыркүйек күні өткен үкімет отырысында мәлімдеді.

Бұлд туралы Orda.kz хабарлайды.

Кірістер

Министрдің айтуынша, мемлекеттік бюджетке трансферттерді есепке алмағанда 7,139 трлн теңге кіріс кірген. Жоспар бойынша 6,777 трлн болған.

Республикалық бюджетке 4,6 трлн теңге түскен, кірістер бойынша жоспар 30 млрд теңгеге асыра орындалған.

Жергілікті бюджетке 2,547 млрд теңге кіріс кірген. Бұл жерде де бюджет жоспары толық қамтылған.

Шығыстар

Республикалық бюджет шығысы 99,7 пайызға атқарылған. Ол жерде 9,9 трлн теңгеге жұмыстар жүргізілген. 31 млрд теңге игерілмеген. Оның 7 пайызы үнемдеуге жатса, 24 пайызы біраз салада игерілмеген. Олар: ДСМ, ІІМ, Мәдениет және спорт, Әділет және Төтенше жағдайлар министрлігі.

Жергілікті бюджет шығысы 98,8 пайызға атқарылған. Шығыс сомасы 5,2 трлн теңге. 64 млрд теңге әлі атқарылмаған. Жергілікті бюджетке нысаналы 2,5 трл теңге бөлінген. Оның 23 млрд теңгесі игерілмеген және 3 млрд теңге үнемделген. Нұр-Сұлтан, Алматы қаласы, БҚО, Қызылорда және Түркістан облыстары ең көп бюджет игермеген өңірлер қатарында.

Мемлекеттік бюджет шығысы 99,2 пайызға тең.

Бұл 2020 жылмен салыстырғанда жұмыстың атқарылу деңгейі жоғары болғанын көрсетеді.