Арзанның дәмі татымас: 7 млрд теңгеге көлік алмақшы болғандар алданып қалды

10 шақты елордалық тұрғындар NurAuto автосалонынан арзан бағада көлік алмақшы болып, алданып қалды. Енді олар арыз жазып жатыр.

Бұл туралы Orda.kz КТК телеарнасына сілтеме жасап хабарлады.

– Бізге бағасы ұнады. Олардың бағасы нарықтағыдан төмен болды. Себебі, көліктер ұсталған. Барлығы аукцион арқылы сатылды. Олар осылай деп түсіндірді. Несие алғандар көліктерін кепілдікке қойып, қарызын жаба алмай қалған. Ұсталған көліктер аукционға қойылған, - дейді автосалон клиенті Гүлсана Жуашпаева.

Ең қызығы, бұл автосалонды белгілі блогерлер де жарнамалаған.  

Қазір автосалонның есіктері жабық. Қылмыстық іс қозғалды.

Алданған адамдар, өздері сияқты жағдайға 400 адам тап болған дейді. Болжам бойынша, олар 7 млрд теңгеге (16,4 млн долларға) көлік сатып алған. Наразы жұрт «полицияда олардың арызын уақтылы қабылдаса, алданушылар саны әлдеқайда аз болар еді» дейді.

– Бірінші арыз 22 тамызда түсті. Ол кезде барлығы дұрыс болды. Полицейлер келді. Бірақ олар барлығын ұстаудың орнына жалғыз Даниярды алып кетті. Қалған алаяқтар сонда қалды. Осы жағдайдан кейін автосалон 2-3 апта жұмыс істеді. Амалсыздан салонды жапты, - дейді тағы бір клиент Ерболат Сұлтанбеков.

Полиция ұйымдастырушылардың бірі ұсталғанын растады. Бірақ басқа мәліметтер айтылмады.

Полиция NurAuto.kz басшылығының әрекеттерінен зардап шеккендердің барлығынан оларға мәлімдеме беруді сұрайды.