Арыстан күшіктерін сатпақ болған үш ер адам ұсталды

Қарағанды ​​хайуанаттар бағында арыстанның күшіктерін заңсыз сатпақ болған үш ер адам ұсталды.

Қарағанды ​​полициясына қаладағы хайуанаттар бағынан жануарлардың заңсыз сатылғаны туралы хабарлама түсті, деп хабарлайды Polisia.kz.

Ақпаратты алған облыстың криминалдық полиция қызметкерлері ІІМ криминалдық полиция басқармасымен бірлесе отырып, мекеменің сыртында арыстанның төлдерін заңыз сатып жүрген 22, 37 және 44 жастағы үш ер адамды ұстады.

Айғақты зат – олар 6 миллион теңгеге сатпақ болған екі арыстанның күшігі тәркіленді.

Аталған дерек Қазақстан Республикасы Қылмыстық кодексінің 339-бабы «Сирек кездесетін және құрып кету қаупі төнген, сондай-ақ пайдалануға тыйым салынған өсімдіктер немесе жануарлар түрлерімен, олардың бөліктерімен немесе дериваттарымен заңсыз айналысу» бойынша ішкі істер органдарына тіркелді.

Қазіргі уақытта қосымша тергеу амалдары жүргізілуде.