Арыстағы вагон өртінің болжамды себебі аталды

Арыс қаласы Наурыз шағын ауданында сары фосфорлы вагондардың жануы себебінен жұқтыру қаупі бар аймақтан 1700 адам эвакуацияланды. Оқиғаның алдын-ала себебі резервуардың ағуы нәтижесінде сары фосфордың өздігінен тұтануы деп аталды.

Бұл туралы  Orda.kz  Түркістан облысы әкімдігінің баспасөз қызметіне сілтей отырып хабарлайды.

6 тамыз күні Арыс қаласының «Арыс» теміржол вокзалында жүк пойызының контейнерінен өрт шыққаны туралы хабарлағанбыз. Ол жерде 2 контейнерде 54 ыдысқа тиелген «сары фосфор» болған. Аталған пойыз Жамбыл облысынан Ресейге аттануы тиіс еді.

Сары фосфор - өте улы, ашық сарыдан қою қоңырға дейін жанғыш кристалды зат. Меншікті салмағы 1,83 г/см3, +43,1 °C температурада ериді, +280 °C температурада қайнайды. Ол қалың ақ түтін шығаратын жарқыраған ашық жасыл жалынмен жанады.

— Полиция Департаменті өрт болған пойыз аумағы мен елді мекен маңын қоршап, 6 блок-бекет қойды. Өрт сөндіруге 291 адам, 42 техника және өрт сөндіру пойызы жұмыс істеуде. Өрт 21.55-те толықтай сөндірілді. Қазіргі таңда Арыс қаласының 60 қызметкері «Наурыз» мөлтекауданының тұрғындарының үйлерін күзетуде. Тұрғындардың үйлеріне қайтуға болады. Олардың өмірі мен денсаулығына төніп тұрған қауіп жоқ», – делінген Түркістан облысы әкімінің баспасөз қызметі хабарламасында.

Сағат 19: 22-де жануды оқшауланды. Қазіргі уақытта тұтас және зақымдалған сыйымдылықтарды сұрыптау үшін контейнерлерді түсіру бойынша жұмыстар жүргізілуде.

Оқиға орнында облыс әкімінің орынбасары С. Қалқаманов, Түркістан облысы ТЖД бастығы полковник Г.З. Жүнісов Н.с., облыстық ПД бастығының бірінші орынбасары полиция полковнигі А. Сейдуалиев, Арыс қаласының әкімі Г. Құрманбекова, Арыс қаласы ТЖ комиссиясы және авариялық қызмет өкілдері келді.

Санитарлық-эпидемиологиялық қызмет өрт сөндірілгеннен кейін ауа сынамасын алады.

— Өрттің болжамды себебі- сары фосфордың өздігінен жануы. Жоюға барлығы 291 адам, 42 бірлік техника және өрт пойызы жұмылдырылды (ТЖД 57 адам және 10 бірлік техника, «ҚТЖ» ҰК» АҚ 13 қызметкер, 1 бірлік техника және 2 өрт пойызы, ПД 75 қызметкер және 12 бірлік техника, ә/б 44859 ӘБ 12 әскери қызметші және 2 бірлік техника, ЭСЖК - 3 қызметкер және 1 бірлік техника, ЖАО - 100 адам, 15 бірлік техника, прокуратура - 3 адам, ЛОП - 25 адам, жедел жәрдем - 3 адам, – делінген хабарламада.

Түркістан облысы әкімдігі Арыстағы өрттің толықтай сөндірілгенін, ендігі уақытта эвакуацияланған тұрғындардың алаңсыз үйлеріне қайта алатынын хабарлады.