Ғарышкер Айдын Айымбетов жаңа лауазымға тағайындалды

Компания директорлар кеңесінің шешімімен Айдын Айымбетов «Қазақстан Ғарыш Сапары» ҰК АҚ басқармасының төрағасы лауазымына тағайындалды.

Бұл туралы Orda.kz хабарлайды.

Айдын Айымбетов 1972 жылы Талдықорған облысында дүниеге келген.

ҚР Әскери-әуе күштері қатарында ұшқыш-жауынгер және әуе командирі ретінде қызмет атқарды. 2015 жылғы қыркүйек айында «Союз ТМА-18М» ғарыш кемесінің бортинженері ретінде Халықаралық ғарыш станциясына ұшты.

Бұған дейін, 2019-2021 жылдар аралығы «Қазақстан Ғарыш Сапары» ҰК» АҚ басқарма төрағасының орынбасары, өндіріс жөніндегі басқарма мүшесі қызметін атқарды.

Айдын Айымбетов - ҚР ұшқыш-ғарышкері, әуе генерал-майоры. Мемлекеттік награда мен құрмет атақтарына ие: «Халық Қаһарманы», «Қазақстанның ғарышкер-ұшқышы», «Отан» ордені.