Арыс қаласында түйе сүтін өңдейтін зауыт ашылды

Жобаның құны — 250 миллион теңге тұрады.

Өңір үшін маңызы зор кәсіпорынның ашылу салтанатына қала әкімі Гүлжан Құрманбекова қатысты. Бұл туралы Түркістан облысы әкімдігіне сілтеме жасап Orda.kz хабарлайды.

— Қалаға инвесторларды тарту жұмыстары жалғасуда. Бұл зауыт жаңа жұмыс орындарының ашылуы мен  Арыстың дамуына өз үлесін қосуда, – дейді Құрманбекова.

Зауыт жылына 70 тоннадан астам құрғақ түйе сүтін шығара алады. Жобаның жалпы құны 250 миллион теңге болды. Өнімдер қазақстандық нарықта сатылады, сондай-ақ жақын және алыс шетелдерге экспортталады.

Құрғақ түйе сүтінің ағзаға пайдалы екені және көптеген ауруларға ем болатыны атап өтілді.