Арықтарды жөндеу Алматыны су басудан құтқармайды

Орда.kz редакциясына Алматыдағы Сайын мен Жандосов көшелерінің (Мұстай Кәрім / Цветочная 2 және 2а)  қиылысында орналасқан үйлердің тұрғындары хабарласты. Әрбір жаңбырдан кейін олардың үйлері су астында қалып, жертөлелеріне су кіреді. Оқиға орнына барған Orda.kz тілшісі бұдан да басқа көптеген басқа аудандардың да бас ауруына айналған мәселелермен танысты.

Олардың үйінің жанынан арық ағып жатқанымен, жаңбырдан кейін ол тез арнасынан асып, айналаны су басып кетеді. Тұрғындар өз қаражатына жол жиектерін орнатып, құмнан бөгеттер салған.

Бірақ бұл әрекеттің бәрі табиғи апаттың аллдын алуға жарамсыз.  Тұрғындар мәселені шешіп, суармалы арықты қалпына келтіруді сұрап, әкімдікке талай рет жүгінгенімен, нәтиже болмаған. Күннен күнге осындай тасыған су салдарынан үйлердің іргетасы опырылып жатыр.

Жергілікті тұрғын Татьяна бұған Жандосов көшесінен жоғары аумақтарда, атап айтқанда, Таугүл-3 учаскесіндегі өте тығыз орналасқан құрылыстар себеп болуы мүмкін дейді.  Бау-бақша, бақша алқаптары, бұрын ылғал сіңірген бос жерлерге асфальт төселген, ал қазір ол жерден судың көп өтіп жатқаны сонша, енді оны ешбір арық көтере алмайды. 

Ол үшін кәдімгідей ағынға төтеп беретін арна қазу керек. Бірақ тығыз орналасқан құрылыс арасында оған енді орын да жоқ. Барлығы тұрғызылған, бетондалған, асфальтталған. Кім  өз ауласына арық қазғызуға рұқсат берсін?