Аружан Сағындықова теннистен ересектер арасында чемпион атанды

Қазақстандық теннисші Аружан Сағындықова ересектер арасындағы турнирде алғашқы чемпиондық атағын жеңіп алды.

17 жастағы спортшы Түркияда өткен ITF World Tennis Tour W15 турнирінің жеңімпазы атанды, деп хабарлайды Orda.kz Қазақстан теннис федерациясына сілтеме жасап.

Финалда Ю-Юн Лимен (Қытайлық Тайбэй) дуэтте шыққан қазақстандық қыз ресейлік Анастасия мен Рада Золотаревті 7:5, 3:6, 10:4 есебімен ұтты.

Жекелей сында Аружан ширек финалға шығып, сербиялық Наталья Сеничтен 6:3, 1:6, 5:7 есебімен жеңіліп қалды.

Анталиядағы титул Аружан үшін ересек әйелдер турындағы  бірінші ойын.

— Мен эмоциямды айтып жеткізе алмаймын, өйткені мен жаңа ғана ҚТФ сериясының үлкен турнирінде дебюттік титулды жеңіп алдым. Бүгін мен үшін маусымның ең маңызды күні болған шығар. Мен өзім қалаған кубокты жеңіп алдым. Қазақстан теннис федерациясына және оның президенті Болат Жәмитұлы Өтемұратовқа, сондай-ақ маған қолдау, сенім білдірген бапкерім Руслан Мұхамедзяновқа алғысымды білдіремін, - деді марапаттау рәсімінен кейін Аружан Сағындықова.