Аружан Саин балалар шипажайындағы жымқырылған ақша туралы мәлімдеді

Қазақстандағы бала құқықтары жөніндегі омбудсмен Аружан Саин Антикормен бірлесіп жүргізілген операция туралы айтты. Нәтижесінде ақша жымқыру бойынша министрліктің «Алатау» республикалық балалар клиникалық шипажайында азық-түлік сату фактілері жиналды.

«Бұл мекемеде онкологиялық және өкпе аурулары бар үш жастан 14 жасқа дейінгі балалар жыл сайын мемлекеттің бағдарлама бойынша емделуден өтеді. Клиникалық шипажай - еліміздегі жоғарыда аталған аурулары бар балаларды оңалту саласындағы санаулы мекемелердің бірі», - деп жазды Саин өзінің Facebook парақшасында.

Балалар омбудсменнің айтуынша, шипажай директоры Қаншайым Мусаева және оның қарамағындағылар жыл сайын қаражат ұрлаумен айналысқан.

«Балалардың ата-аналарынан жатын орны, тамақтану және емделу үшін төлем алып, ақшаны бюджетке түсірудің орнына қалталарына басып отырған. Сонымен қатар, шипажайда балаларға арналған тамақ өнімдерін заңсыз сату фактілері орын алды. Балалар ата-аналарының бірге болуы қарастырылмаған мемлекеттік квота бойынша шипажайға жіберіледі. Сондықтан ата-аналар баламен бірге болу үшін өз қаражаттарынан күніне 7500-11000 теңгеге дейін төлеп жатады. Оның үстіне тамақ үшін қосымша төлем бар. Бұл ақша шипажай басшылығының қалтасына түсті», - деді Саин.

Бала құқықтары жөніндегі уәкіл балаларға, олардың ата-аналарына және қызметкерлерге арналған тамақ шипажайдың мемлекеттен квота бойынша алған ақшасы есебінен жүзеге асырылғанын атап өтті.