Қаруы барлар дайын болыңдар, Украинаны ешкімге бермейміз – Гордон

Белгілі украиналық журналист Дмитрий Гордон Ресей Федерациясының елге басып кіргенін айтып, Украина халқына үндеу жолдады.

– Путин біздің жерімізге басып кірді. Қазір қалада жарылыстар дауысы естіліп жатыр. Ал Ресей мен Украина шекарасында әскери іс-қимылдар жүргізілуде. Мен ел азаматтарын заңды және заңсыз қаруларды алып, қарсы тұруға дайындалуға шақырамын. Біз Отанымызды ешкімге бермейміз, - деді ол.

Журналист осы уақытқа дейін Украина халқына жиі-жиі үндеу жасап, қасиетті Отанын қорғауға шақырып келе жатыр. Сонымен қатар, ол ресейлік ата-аналарға да үндеу жасап, егер Украинаға басып кірсе, кез келген адамды аямайтынын жеткізген.