Артық салмағы үшін мектепте буллинг құрбаны болды

5-сынып оқушысы бұзақылықтың құрбаны болды. Белгілі болғандай, қызды сыныптастары ұрып-соққан: үшеуі ұрған, екеуі телефонын бір-біріне допша лақтырып мазақ еткен, деп хабарлайлы Orda.kz

Сыныптастары қорлау 4-сыныпта қыздың артық салмағы мен көзілдірігіне қатысты  басталғанын мойындады. Шабуыл нәтижесінде оқушы қыздың миы шайқалған, басы, қолы, жамбасы көгерген деген диагноз қойылған.

Алайда, мұғалімнің өтініші бойынша қыздың анасы алдымен полициядан арызын қайтарып алған. Жиында құқық бұзушылардың ата-аналары кешірім де сұрамаған. Уақыт өте келе қызда жарақаттан кейінгі энцефалопатия дамып, көру қабілеті нашарлаған. Осыдан кейін анасы полицияға қайта хабарласып, қыз сот-медициналық сараптамаға жіберілді.

Батыс Қазақстан облысы полиция департаментінің баспасөз қызметі кәмелетке толмағандарды тәрбиелеу жөніндегі міндеттерді орындамау фактісі бойынша сотқа дейінгі тергеу басталғанын хабарлады.

Бұқаралық ақпарат құралдары мен онлайн-платформалардың қатысуымен осындай істерді қарау үшін Мәдениет министрлігі жанынан сараптамалық топ құрылды. Киберқорқыту туралы шағымдарды қарау баланың заңды өкілінің өтініші бойынша ғана жүзеге асырылады. Өтініш жазбаша түрде немесе электронды қолтаңбамен электронды түрде берілуі мүмкін.

Сараптамалық топ өтінішті үш жұмыс күні ішінде қарайды, бірақ қосымша ақпарат қажет болған жағдайда мерзім күнтізбелік 15 күнге дейін ұзартылуы мүмкін. Кибербуллинг расталса, медиа немесе платформа иесіне тиісті мазмұнды жоюға бұйрық беріледі.