Аршалы маңында 600 көліктен тұратын 4 шақырымдық кептеліс болды

Аршалы ауданы маңында автомагистральдің ортасын жүк көлігі жауып қалып, 600 автокөліктен тұратын 4 шақырымдық кептеліс пайда болған, деп хабарлайды Ақмола облыстық Полиция департаментінің баспасөз қызметі.

6 наурызда Аршалы ауданының Анар стансасына жақын жерде, «Алматы-Екатеринбург» автомагистралінде ауыр жүк көлігінің жүргізушісі қолайсыз ауа райына байланысты көлік тізгінін басқара алмай, жолдың ортасын бөлген темірге соғылған.

– Жолды ұзын жүк көлігі жауып қалып,  Нұр-сұлтан қаласы бағытында шамамен 600 автокөліктен тұратын 4 шақырымдық кептеліс пайда болды. Жол саласы қызметкерлері шұғыл түрде қабылдаған арнайы шаралардың арқасында жолдың жүріс бөлігі ашылды. Кептелісте тұрған автокөлік, қауіпсіздік пен жылдамдық режимін сақтай отырып, Аршалы ауданының қызметкерлерімен Нұр-сұлтан қаласына дейін аман-есен жеткізілді, делінген хабарламада