«АрселорМитталТеміртау» заңгерін өлтірді» деген күдіктілер ұсталды

Қарағанды облысында «АрселорМитталТеміртау» АҚ заңгерінің өліміне қатысы бар делінген күдіктілер ұсталды.

Polisia.kz ақпаратына сәйкес, ұсталғандар марқұмның жерлестері болып шықты.

Жүргізілген жедел-тергеу іс-шаралары нәтижесінде 53 жастағы Шахтинск қаласы тұрғынының өліміне қатысы бар деген күдікпен аталған қаланың тұрғындары, 52 жастағы ер адам мен 44 жастағы әйел анықталып, ұсталды.

Қылмыстық оқиға жәбірленушінің кәсіби қызметімен байланысты емес. Айғақ заттар тәркіленді. Қазіргі уақытта тиісті сараптамалар тағайындалды. Бұл туралы Қарағанды облысы Полиция департаментінің бастығы Ерлан Файзуллин хабарлады.

Бұл дерекке байланысты Қазақстан Республикасы Қылмыстық Кодексінің 99-бабы «Адам өлтіру» бойынша қылмыстық іс қозғалған.

Еске салайық, бұған дейін Қарағанды облысында «АрселорМитталТеміртау» заңгерінің денесі өрт шыққан пәтерден табылғаны хабарланған болатын. Оқиға орнында 1969 жылы туған әйел адамның денесі табылды. ТЖД өкілдері бес адамды эвакуациялады. Өрт сағат 13.31-де толық сөндірілді.

Компанияның баспасөз қызметі бұл ақпаратты растады.