АрселорМитталда тағы бір апат орын алды: зардап шеккендер бар

25 мамыр Қарағанды облысында АрселлорМитал Теміртау металлургиялық зауытында балқыған металл төгілді.

Бұл туралы Orda.kz хабарлады.

Металлургия зауытындағы апат салдарынан екі жұмысшыны қатты күйік шалған. Олар жедел ауруханаға жатқызылды.

– Конвертер цехының араластыру бөлімінде кран көтеріп жатқан кезде шойын шөміш құлаған. Салдарынан екі кран жүргізушісі (1984 және 1994 жылы туған) жарақат алды: біреуі 2-3 дәрежелі күйік (кеудесінің 20%-ті), ал екіншісі 3-4 дәрежелі (денесінің 70%-ке жуығы) күйік алды, - делінген компанияның баспасөз қызметіндегі хабарламада.

Зардап шеккендердің жағдайы ауыр.

Енді еңбек инспекциясы арнайы комиссия құрып, тексеру жұмыстарын жүргізеді.