«АрселорМиттал Теміртау» Қазақстандағы жұмысын тоқтатуы мүмкін

ҚР Индустрия және инфрақұрылымдық даму министрі Қайырбек Өскенбаев «АрселорМиттал Теміртау» компаниясында тағы бір қызметкердің өліміне қатысты пікір білдірді. Оның айтуынша, жақын арада компанияның Қазақстандағы қызметін тоқтату туралы шешім қабылдануы мүмкін.

Бұл мәселені әр министрліктен арнайы құрылған комиссия қарайды. Барлығы 70 адамнан тұрады. Ол компания басшылығына қатысты қандай шаралар қолдану керектігін шешеді.

- Мемлекет басшысының тапсырмасы бойынша бірнеше комиссия құрылды, оларда әртүрлі министрліктердің 70-тен астам маманы жұмыс істейді. Жақында білесіздер, АрселорМиттал Теміртау басшыларына қатысты қатаң шешімдер қабылданып жатыр. Тіпті АМТ Қазақстанда жұмыс істей ме, жоқ па деген мәселе көтерілді, - деді ол.

8 желтоқсан күні металлургиялық зауыттың кокс-химиялық өндірісінде жұмысшы қайтыс болды. 1982 жылы туған газшыны жүк тиеу машинасы қағып кеткен. Алған жарақатының салдарынан ол сол жерде көз жұмды. Марқұм 17 желтоқсанда қырық жасқа толар еді.