«АрселорМиттал Теміртау» компаниясына 5,5 миллион теңге айыппұл салынды

Жылу энергиясын өндіруде монополист - «АрселорМиттал Теміртау» АҚ теміртаулық кәсіпкерлерге жылуды заңсыз өшіріп тастаған.

Қалалық кәсіпкерлер заң бұзушылықтарды монополияға қарсы комитетке ұжымдық түрде хабарлаған. Тексеру қорытындысы монополистің Қазақстан заңнамасын бұзғанын растап, іс сотқа жолданды.

«Табиғи монополиялар туралы» Қазақстан Республикасының Заңын бұзғаны үшін «АрселорМиттал Теміртау» АҚ 5 520 000 (бес миллион бес жүз жиырма мың) теңге мөлшерінде айыппұл салу түріндегі әкімшілік жауапкершілікке тартылды» делінген сот қаулысында.

Монополистің сот шешіміне шағымдануға уақыты бар.