Арон Атабекті қолдаушылар рақымшылық сұрап, мыңға жуық қол жинады

Қазақстан халқы президент әкімшілігіне «Шаңырақ оқиғасына» қатысушы, ақын Арон Атабекке рақымшылық жасау туралы өтініш жолдады.

Бұл туралы Orda.kz хабарлады.

- ҚР президенті Қасым-Жомарт Тоқаевқа ашық үндеу жолданды! 2,5 мыңнан астам қол жинап, 377 репост жасалды. Көп рахмет! - деп жазды құқық қорғаушы Бақытжан Төреғожина Facebook-те.

Еске салсақ, Алматы маңындағы Шаңырақ ықшамауданының тұрғындары мен құқық қорғау органдарының қызметкерлері арасында қақтығыс болды. Билік заңсыз салынған деп таныған үйлерді бұзуға тырысты. Қақтығыс кезінде 24 жастағы полицей Әсет Бейсенов отқа оранып, мерт болды.

Оқиғадан кейін Атабектен басқа Құрманғазы Өтегенов, Ерғанат Тараншиев пен Рүстем Тұяқов бас бостандығынан айырылды.

2006 жылы «Шаңырақ ісі» бойынша Арон Атабек 18 жылға сотталды.

Халықаралық құқық қорғау ұйымдары Атабекті «ар-ождан тұтқыны», «саяси тұтқын» деп таныды. Ақын жазасының көп бөлігін өтеген, 14 жыл абақтыда қамауда отыр.