Арон Атабек шұғыл түрде ауруханаға жеткізілді

Ақын, диссидент Арон Атабектің қызы Айдана Айдархан әкесінің ауруханаға жатқызылғанын хабарлады.  

Бұл туралы Orda.kz хабарлайды.

- Арон Атабек жедел жәрдеммен ауруханаға жеткізілді. Өкпесінің 30% зақымдалған, ПТР тест әлі дайын емес, - деп жазды Айдана Айдархан Twitter -де.

1 қазанда Арон Атабектің жазасы жеңілдетіліп, бостандыққа шыққаны белгілі. Сол күні Арон Атабек Алматыға ұшып келді.

Арон Атабек 2006 жылдың 14 шілдесіндегі «Шаңырақ оқиғасынан» кейін сотталған. Қақтығыста 24 жастағы полиция қызметкері қаза тапты, оны бағанаға байлап, өртеп жіберген. Шаңырақта болған оқиғаға байланысты Арон Атабек 18 жылға бас бостандығынан айрылды. Оның 15 жылын өтеп, денсаулығына байланысты босаталды.