Армения әйелдер үшін ерікті әскери қызмет енгізбекші

Армения премьер-министрі Никол Пашинян Армения армиясы күні республика үкіметі әйелдер ерікті армиясы институтын құруды жоспарлап отырғанын хабарлады.

Бұл туралы ол 2023 жылғы 28 желтоқсандағы халыққа жолдауында мәлімдеді.

— Жақын арада Армения Республикасында әйелдер ерікті уақытша әскери қызметін өтейтін мүлде жаңа институт енгізуді жоспарлап отырмыз, - деді Пашинян.

Сонымен бірге ол Армения армиясы қатарында, атап айтқанда, жауынгерлік тапсырмаларды орындауда бөлімшелерінде келісімшарт бойынша қызмет ететін әйелдерге алғысын білдірді.

Ол сондай-ақ бірқатар реформаларды жариялады. Оның ішінде әскерге шақырылғандармен тең дәрежеде үлкен жауынгерлік қабілеттілікке қол жеткізу үшін үш айлық әскер қызметін 25 күнге ауыстыруға болатынын айтты.

— Бүгін біз армиямыздың құрылғанына 31 жыл толуын тойлап жатырмыз және ең алдымен Отаны үшін жанын қиған шейіттерімізді,  қатардағы жауынгерлерден бастап, Армения армиясы мен Армения мемлекетіне жанқиярлықпен қызмет еткен офицерлер мен генералдарды еске аламыз, - деді Премьер-Министр.