Армения президенті Армен Саркисян отставкаға кетті

Армения президенті Армен Саркисян отставкаға кетті, делінген мемлекет басшысының сайтында жарияланған мәлімдемеде.

«Мен ұзақ ойландым және төрт жылға жуық белсенді жұмыстан кейін Армения президенті қызметінен кетуге шешім қабылдадым. Бұл эмоционалды шешім емес және белгілі бір логикадан туындайды» делінген Армения президентінің сайтында жарияланған Саркисян мәлімдемесінде.

Ол «президенттің қазіргі ел мен ұлт үшін күрделі кезеңде ішкі және сыртқы саясаттың түбірлі процестеріне ықпал ету үшін қажетті құралдары жоқ» деп атап өтті.

Саясаткер «ұлттық бірлік қажет болған кезде президент институты өсек пен қастандық теорияларының объектісі болмауы керек» деп атап өтті. Осылайша, оның айтуынша, бұл қоғамның назарын «ең маңызды мәселелерден» алшақтатады.

Армения заңына сәйкес, президент кеткеннен кейін басқарманы Ұлттық жиналыс төрағасы президент міндетін атқарушы болып тағайындалады. Армения президентінің міндетін атқарушы – Ален Симонян.

Конституцияға сәйкес Армения президентінің кезектен тыс сайлауы ол отставкаға кеткеннен кейін 35 күннен кешіктірілмей өткізілуі керек.

• Президентті жеті жыл мерзімге сайлайды.
• Бір адам тек бір рет президент болып сайлана алады.
• Депутаттардың жалпы санының кемінде төрттен бір бөлігі кандидатты ұсынуға құқылы.