Армения Әзірбайжанды шабуыл жасамау пактісіне қол қоюға шақырды

Армения премьер-министрі Никол Пашинян Арменияның Әзірбайжанға бейбіт келісімге қол қою процесі созылса, шабуыл жасамау туралы келісімге қол қоюды ұсынғанын айтты.

Бұл туралы ол Армия күніне арналған сөзінде айтты.

«Біз Әзірбайжанға қару-жарақтарды өзара бақылау механизмін енгізуді ұсындық. Сондай-ақ бейбіт келісімге қол қою күтілгеннен ұзағырақ болатыны анықталса, шабуыл жасамау туралы пактіге қол қою ұсынылды» деді Пашинян.

Ол сондай-ақ Арменияның бейбітшілік күн тәртібін ұстанатынын және одан таймайтынын атап өтті.

Қыркүйек айында Әзірбайжан 24 сағаттық жойқын шабуылынан кейін өз шекарасындағы этникалық армян анклавы Таулы Қарабахты бақылауға алды.

Таулы Қарабақ халықаралық деңгейде Әзірбайжанның бір бөлігі болып саналады, бірақ ондаған жылдар бойы армян сепаратистерінің бақылауында болды. Армения мен Әзірбайжан Кеңес Одағы ыдырағаннан кейін Таулы Қарабақ үшін екі рет соғысты.

Осы жылдың басында Армения бұл аймақтың Әзірбайжанның бір бөлігі екенін мойындады, бірақ оның үкіметінің болашағына қатысты келіспеушіліктер әлі де бар.