Арман Шораев депутаттың бетін қайтарды

Ерболат Мұхамеджанның подкаст жобасының алғашқы шығарылымының қонақтары жанжалға жол берді. Арман Шораев пен депутат Айдос Сарымның бір-біріне кедергі келтіре беруі дөрекі сөздер айтуға дейін жетті.

– Біздің офицерлеріміздің жартысынан көбі – Ресейдің әскери училищелерін бітіргендер. Тоқсан пайызы ана тілін де білмейді. Бәрі – мақтабастар. Олардың президенті Тоқаев та, Назарбаев та емес, Путин, - деді ол.

Осы тұста Айдос Сарым Шораевтың әр сөзіне «Өтірік, өтірік» дей берді. Ал Арман Шораев депутатты тоқтатуға тырысқанымен, онысынан түк шықпады. Сосын оған «Сен әскери борышыңды өтедің бе?» деп сұрақ қойды. Айдос Сарым «жоқ» деп жауап бергенде Арман Шораев оған:

– Ей, онда қыртпашы! Қазақша айтқанда, қыртпашы! – деп жауап қатты.