Арман Шораев қазақтарды қорлаған Кеосоянға жауап қайтарды

Қоғам қайраткері Арман Шораев Ресей әскері Қазақстан аумағына басып кіруі мүмкіндігімен қорқытқан ресейлік пропогандист Тигран Кеосаянға жауа қайтарды.

Бұл туралы Шораев өзінің Facebook парақшасында жариялады.

Арман Шораев үгітшіге жауап беріп, Маргарита Симонянның күйеуіне туған еліне қауіп төндіретінін ескертті.

Шораев Украинаның Ресей Федерациясымен соғыста жеңіске жетуін тілеп қана қоймай, Қазақстанда тұратын армян диаспорасы үшін ауыр зардаптар болатынын ескертті.

– Тигран қазақ халқын қорламай тұрып, артын ойлауы керек еді. Мәселен, Қазақстанда сенің он мыңдаған қандастарың тұрады. Армян диаспорасы қазақ жерінде ұзақ жылдар бойы өмір сүріп келеді. Олар өз болашағын Ресей түгілі Армениямен де емес, Қазақстанмен байланыстырады. Сен оларды ыңғайсыз жағдайда қалдырып отырсың, – деді Шораев.

– Ал Жеңіс күніне келетін болсақ, 100 пайыз бүкіл қазақ халқы Ресейге қарсы Украинаның жеңісін күтіп отыр. Украинаның Жеңіс күнін біз көзімізге жас алып, қуанышпен тойлаймыз. Мәскеуде отырып, ақылшысымақ болып отырсың. Бірақ сен ұмытпа! Дәл осы Мәскеуді 1941 жылы күзі мен қысында біздің ата-бабаларымыз, қазақтар мен қырғыздар құтқарған. Миллионнан аса қазақ осы соғысқа аттанып, жартысы қайтып оралмады. Егер де біздің аталарымыз соғысқа бармағанда, мен сенімдімін, Гитлер жеңіс шеруін Мәскеуде өткізер еді. Сол кезде қызық болар еді. Мәскеуде ақыл айтып отыратын ба едің? Әлде Армениядағы ауылда тұрар ма едің?, – деп сұрақ қойды Шораев.