Арман Шораев Айдос Сарымға: Аузыңа байқап сөйле!

Украина мен Ресей арасындағы соғыс әрекеттері көптеген елдердің медиа саласын дүр сілкіндірді. Қазақстанның медиа аренасына белгілі журналист Ерболат Мұхамеджанның да подкаст жобасы қосылды. Алғашқы қонақтары – Арман Шораев, Айдос Сарым және Қайырбек Арыстанбеков.

Подкаст басталысымен Арман Шораев пен Айдос Сарымның арасында кикілжің туа бастады. Депутат өз сөзіне мысқылдаған Шораевқа ашуланып, оның өмірбаянына, билік жағында болғанына қатысты сөздер айтып, сынға алды.

– Саған «Қазақстан барысы» ұнамайды ма?! Ұнаса, жеке басқа тиме! «Самұрық-Қазынадан» ақша алдым. Мені КТК телеарнасына қойған Дариға Нұрсұлтанқызы емес, - деп тыйып тастады Шораев депутатты.

«Онда жеке басқа тимейік» деп депутат қол созғанымен, Арман Шораев оны алмады. «Алмасаң қой» деп сөзін жалғастыра берген Айдос Сарымға Шораев «Аузыңа байқап сөйле» деп жауап қатты.