Қарлы боран салдарынан екі облыстағы күре жолдар  жабылды

Ақмола және Қарағанды ​​облыстарында ауа райының нашарлауы салдарынан республикалық маңызы бар жолдар жабылды.

Қазақстанның екі облысында ауа райына байланысты бірден бірнеше күре жолдар жабылды. Боран, қар, жел және көрінудің шектелуіне байланысты барлық көлік түрлеріне қозғалысқа шектеулер енгізілді.

Ақмола облысында сағат 12:00-ден бастап « Екатеринбург-Алматы»  тас жолының 1291-1425 шақырымы, «Нұр-Сұлтан-Петропавл» күре жолының  18-231 шақырымы, сондай-ақ, Нұр-Сұлтан-Теміртау  және Нұр-Сұлтан- Щучье учаскелері жабылды.

Қарағанды ​​облысында сағат 12.00-ден бастап ауа райының нашарлауына байланысты (қар, жел, боран, көрінудің шектелуі) «Қызылорда-Павлодар»  тас жолының  967-1135 шақырымы мен Қарағанды-Павлодар облысы шекарасы учаскесінде көліктің барлық түрлері үшін қозғалыс шектелген. «Екатеринбург-Алматы» жолының  0-16 шақырымы және Қарағанды ​​қаласының Солтүстік-Шығыс айналма жолы учаскесінде де жол жабық.

Полиция жүргізушілерден ұзақ сапарға шықпауды сұрайды.