Аргентинада Диего Марадонаның дәрігерлеріне қатысты сот басталды

Аргентина футболының аңызы Диего Марадонаның соңғы күндерінде оның күтімін жасаған жеті дәрігер сотқа тартылады, деп хабарлайды Orda.kz.

Қылмыстық салғырттық бойынша айыптар нейрохирургке, психиатрға, психологқа, медициналық координаторға, дәрігерге, түнгі медбике мен күтім коориданторына тағылды. Марадонаны өлі күйінде тапқан күндізгі медбике өзінің сотта қазылар алқасымен қаралуын сұрады.

Әр айыпталушы 8 жылдан 25 жылға дейін бас бостандығынан айырылуы мүмкін. Сот процесінде 100-ден астам куәгер, оның ішінде Марадона отбасының мүшелері мен оған көп жылдар бойы қызмет көрсеткен дәрігерлер сөз сөйлейді деп күтілуде. Сот тыңдауларының шілдеге дейін жалғасуы болжануда.

Диего Марадона 2020 жылғы 25 қарашада 60 жасында қайтыс болды. Ол миындағы тромбты алып тастау бойынша операциядан кейін қалпына келтіру жағдайында болған. 2022 жылы футболшының ұлдарының адвокаттары дәрігерлерді дұрыс медициналық көмек көрсетпеді деп айыптады.

Аргентина прокуратурасы жинаған 20 сарапшыдан тұратын комиссия Марадонаның дұрыс емделген жағдайда аман қалатынын мәлімдеді. Оның үйінде тіпті дефибриллятор да болмаған.