Аргентина президенті наразылық акциясын тарату үшін күш қолданды

Аргентина президенті Хавьер Майлидің реформаларына қарсы наразылық акциясын тарату үшін көзден жас ағызатын газ бен су атқыштар қолданылды.

Бұл туралы Аргентинаның Қауіпсіздік министрлігі хабарлайды.

Реформалардың миллиондаған аргентиналықтарға зиянын тигізетінін айтқан шерушілер полицияға молотов коктейльдері мен тас лақтырып, екі көлікті өртеп жіберді. Бірнеше наразылық білдіруші жарақат алды.

Аргентинаның Қауіпсіздік министрлігі кемінде тоғыз полиция қызметкері  жараланғанын хабарлады. 10 адам қамауға алынды. Қазір ел президенті Хавьер Майлидің реформалары талқыланып жатқан Аргентина конгресінде биліктің саясатына наразылық шарасы өтіп жатыр.

Бұл шеруде солшыл партиялар және кәсіподақтар мен қоғамдық ұйымдар қарсылық білдіруде.