Ардагерлер саябағындағы заңсыз берілген жерлер мемлекетке қайтарылды

Талдықорған қаласындағы Ардагерлер саябағындағы жеке тұлғаларға заңсыз берілген жерлер мемлекетке қайтарылды, деп хабарлайды Orda.kz.

Талдықорған қаласы прокуратурасының тексерісі кезінде Жетісу облысы Жер ресурстарын басқару департаментінің Жер кодексін бұзу фактісі анықталды. Атап айтқанда, 35,4 гектар аумақты алып жатқан орман қорының жерлері заңсыз түрде жеке меншікке берілген. Жерлер Талдықорған қаласының саябақ аймағында орналасқан.

Талдықорған қаласы әкімдігінің жер учаскесін беру туралы қаулысының күшін жою туралы шешім шығарылды. Аталған жер учаскелеріне қатысты сатып алу-сату, сыйға тарту және мұрагерлік құқығы туралы куәліктің барлығы жарамсыз деп танылды.

Сот шешіміне қарсы жауап берушілер апелляциялық шағым берді. Жетісу облысы сотының азаматтық істер жөніндегі сот алқасының қаулысымен апелляциялық шағым қанағаттандырылмай, бірінші инстанция сотының шешімі өзгеріссіз қалды.