100 жастағы тыл ардагері Хауа Бұланбаева облыс әкімі құттықтайтын ардагерлер тізімінен заңсыз шығарылды.
Бұл туралы Orda.kz хабарлады.
Кейуананы «егде жаста темекі шегетіні үшін» тізімнен алып тастаған деген хабарлама Instagram желісінде пайда болды.
– Жақында маған Өскеменнің облыстық әкімдігінен әжемді Жеңіс күнімен құттықтауға облыс әкімі Даниял Ахметов келетіні туралы айтылды. Әжем естеліктерін жинап, дайындала бастаған. Бүгін мен ардагерлер кеңесіне олардың құттықтауға келетін-келмейтінін білу үшін қоңырау шалдым. Олар әжем тым үлкен екенін және темекі шегетіні үшін тізімнен шығарылғанын хабарлады, – делінген хабарламада.
Бұл ақпаратқа Шығыс Қазақстан облысының әкімі Даниал Ахметов пікірін білдірді. Ол өзінің Facebook парақшасында кеңестің жұмысына түзетулер енгізілетіндігін және өзі Хауа Бұланбаеваны 7 мамырмен құттықтауға міндетті түрде келетіндігін жариялады.
– Мен үлкен өкінішпен облыстың ардагерлер кеңесі қызметкерлерінің қателігі туралы мәлімдеймін. 7 мамырда мен міндетті түрде келіп, жерлесіміз, тыл еңбеккері Хауа Бұланбаеваны мерекесімен құттықтаймын. Мен оның немересіне телефон соғып үлгердім, – деді ол.
Шығыс Қазақстан облысында Ұлы Отан соғысының 85 қатысушысы тұрады. Мерекеге дейін оларға миллион теңге төленеді:
- Ленинградта блокада кезінде жұмыс істеген ардагерлер -100 мың теңгеден;
- концлагерь тұтқындары – 100 мың теңгеден;
- тыл еңбеккерлері мен қайтыс болған мүгедектердің және Ұлы Отан соғысы қатысушыларының әйелдеріне, күйеулеріне – 100 мың теңгеден төленеді.
