Ардагер спортшы Халықаралық әйелдер күніне орай 8 шақырымға жүзді

Бақытжан Бектенов Талдықорған қаласындағы «Өркен» спорт кешенінде Тәуелсіздіктің 30 жылдығы мен 8 наурыз Халықаралық әйелдер күніне орай 8 шақырымға жүзді.

Триатлоннан ардагерлер арасында «Темір адам» атанған ол Алматы облысы, Ескелді ауданы, Қарабұлақ ауылының  тұрғыны. Бақытжан Бектенов республикалық, халықаралық деңгейде өтіп тұратын дуатлон, триатлон жарыстарына тұрақты қатысып тұрады.  

Ол бұл  «Темір адам»  деген атақты тритлоннан 55-59 жас шамасындағылар арасында Қазақстан кубогында жеңіске жеткенде алған. Сонымен қатар ол кісі осы  кубокты үш рет алған  жалғыз ардагер спортшы.

Сондай ақ, ардагер спортшы былтыр карантин кезінде бір апта бойы 1006 шақырымды велосипедпен жүріп өтіп, Қазақстан триатлон федерациясы тағайындаған  «еңбекқор спортшы» деген  арнайы сыйлығын иемденген. Жалпы Бектеновтер әулеті түгелдей спортқа жақын. 

Отбасының үлкен қызы Айгүл Бектенова - нысана көздеуден спорт шебері. Ол бүгінде  ҚР МСМ Спорт және дене шынықтыру істері комитеті Жазғы спорт түрлері басқармасын басқарады.

Кіші қызы Индира Бектенова каратэден қара дан иегері. Осы күні Qazsport арнасының бас редакторы болып жұмыс істейді . Спорттық трансляцияларды да жүргізеді.