ArcelorMittal Kazakhstan шахтасында тағы бір жұмысшының мәйіті табылды

«АрселорМиттал Теміртау» АҚ қазақстандық шахтасында жұмысшының мәйіті табылды, деп хабарлайды компанияның баспасөз қызметі.

«6 қарашада «АрселорМиттал Теміртау» АҚ көмір департаментіне қарасты Қазақстан шахтасының аумағынан көмір департаменті бөлімшелерінің бірінің қызметкерінің мәйіті табылды» делінген хабарламада.

Полиция департаменті тергеу жүргізіп жатыр. Еске салайық, 3 қарашаға қараған түні Шахтинскідегі Ленин атындағы шахтада газ жарылып, салдарынан бес адам қаза тапқан болатын. Қылмыстық іс қозғалды.

«АрселорМиттал Теміртау» АҚ шахталарының жұмысы бір тәулікке тоқтатылды. Президент Қасым-Жомарт Тоқаев кеншілердің қазасына байланысты көңіл айтып, апаттың себептерін анықтау бойынша жедел шаралар қабылдауды, қаза болғандар мен зардап шеккендердің отбасыларына тиісті көмек көрсетуді тапсырды.

Жағдайға түсініктеме берген Сенат спикері Мәулен Әшімбаев парламент еңбекті қорғау саласындағы заңнаманы қатаңдатуға дайын деп сендірді. Соңғы мәліметтер бойынша, 16 жыл ішінде «АрселорМиттал Теміртау» АҚ нысандарында 100-ге жуық адам қайтыс болған. Бір қызығы, «АрселорМиттал Теміртау» АҚ өкілдері 3 қарашада жұмысшылардың тағы бір жаппай қаза болуына байланысты брифингке  келмеді.

Бұған дейін Orda.kz сайты шахтада көмірдің бір бөлігі жанып жатқанын хабарлаған болатын. Құтқару қызметі шақырылған.

Еске салайық, 3 қарашада шамамен таңғы сағат 3-те Шахтинскіде Ленин атындағы шахтада («АрселорМиттал Теміртау» АҚ) газ дренаждық ұңғымаларды бұрғылау кезінде кенеттен газ шыққанын ҚР Төтенше жағдайлар министрлігі хабарлады . 106 жұмысшының бесеуі қайтыс болды. Күні кеше кеншілер туған жері Шахтинскіде жерленді.