Қаражанбаста ереуілге шыққан жұмысшылардың жалақысы көтерілді

Қаражанбас кен орнында ереуіл ұйымдастырған мердігер компания қызметкерлері өз мақсатына жетті. Олардың жалақысы көтерілді.

Бұл туралы Orda.kz хабарлады.

- Еңбек дауы шешілді. 18-19 тамызда Caspian Food мердігерлік компаниясының басшылығы екі ауысымдағы қызметкерлерімен кездесу өткізді. Тазалық және қоғамдық тамақтандыру қызметтерін көрсететін қызметкерлердің жалақысын көтеру туралы келісімге қол жеткізілді, - деп хабарлады «Қаражанбасмұнай» АҚ баспасөз қызметі.

Жұмысшы әйелдер талаптарының орындалғанын растады.

Еске салсақ, 4 тамызда «Caspian Food» ЖШС қызметкерлері айына кемінде 180-200 мың теңге табыс тапқысы келетінін хабарлаған. Әйелдер 13-ші жалақыны төлеуді, іссапар шығындары мен ПТР тесттерін өтеуді, сондай-ақ аз қамтылған отбасыларға және оның бір мүшесі жұмыс істейтін отбасыларға материалдық субсидия төлеуді талап етті.