«Қаражанбасмұнай» компаниясына айып тағылды

«Қаражанбасмұнай» компаниясына монополиялық жағдайын асыра пайдаланды деген айып тағылды.

Кәсіпорын басшылығына мұнай битумын бірінші реттік көтерме саудада сатты деген айып тағылып отыр, деп хабарлайды ҚР Бәсекелестікті қорғау және дамыту агенттігінің Маңғыстау облысы бойынша департаменті.

Мамандардың айтуынша, «Қаражанбасмұнай» АҚ мұнай битумының жылдық көлемінің 99 пайызын тек бір мекемеге ғана  ұзақ уақыт бойы өткізген. Одан кейін өнім жол құрылыс компанияларына көтерілген бағамен сатылған.

Битумды нарықта айтарлықтай шығынсыз сатқан делдалдың сауда үстемесі шамамен 30% құраған. Монополияға қарсы департаменттің талабы бойынша «Қаражанбасмұнай» АҚ енді битумды қажетсіз делдалды айналып өтіп, тікелей жол құрылыс компанияларына сататын болады.

«Қаражанбасмұнай» АҚ және делдалдық компаниядағы жауапты тұлғалар қылмыстық жауапкершілікке тартылады.