Маңғыстауда қоқыс желмен ұшып жүр

Ақтау тұрғыны Азамат Сәрсенбаев Форт-Шевченко қаласы маңындағы қоқыс үйіндісін видеоға түсіріп алды.

Ол видеоны өзінің Facebook парақшасында жариялады, деп хабарлады Orda.kz lada.kz порталына сілтеме жасап.

– Бұл үйінді ештеңемен қоршалмаған, оны ешкім бақыламайды, реттемейді, адамдар осында келіп, барлық қоқыстарын лақтырып кетеді. Содан кейін Маңғыстаудың аяусыз желінің астындағы күл-қоқыс Түпқараған аймағының шексіз даласын ластайды, - деп жазды Азамат Сәрсенбаев.

Ол өзінің түсініктемесінде қоқыс полигоны тазартылып қана қоймай, қоршалмағанына да таңғалды.

– Бұл ақымақтық, мен мұндай мәселе еленбей қалады деп ешқашан ойламаппын. Тұрмыстық қоқыстарды жою сияқты түбегейлі проблемалардың шешілуі қажет мәселелерге көңіл аударылмау өте өкінішті, - деп қосты Азамат Сәрсенбаев.