Қараусыз қалған ғимараттан кішкентай қыздың мәйіті табылды

Талдықорған тұрғыны қорқынышты оқиғамен бөлісті: оның қызы ауылдағы қараусыз қалған үйден өлі күйінде табылды. Полиция суицид нұсқасын қарастыруда. Алайда әкесі баласының мұндай әрекетке бармайтынына сенімді.

Бұл туралы Orda.kz Литерге сілтеме жасап хабарлады.

Руслан Instagram-да өз оқиғасымен бөлісті. 20 шілдеде 12 жасар қызы Аяулым жоғалып кеткен. Олар жұбайымен бірден полицияға жүгінген. Көп ұзамай қыз Талдықорған қаласының Шығыс ықшам ауданындағы қараусыз қалған ғимараттың жанында өлі күйінде табылды. Анықталғандай, ол жоғарғы қабаттан құлап кеткен. Әкесінің айтуынша, полиция өзіне-өзі қол жұмсау нұсқасын ұсынған.

– Мен оның әкесімін, мен білемін, менің қызым Аяулым қараусыз қалған ғимаратқа жалғыз бармайды. Сол күні қызымның көңіл-күйі қалыпты болды, жанжалды жағдайлар болған жоқ. Отбасында менің қызымды барлық отбасы мүшелері жақсы көрді. Ешкім оған теріс әсер етпеді, агрессивті, импульсивті, қатал болмады, ол үйге көмектесіп, кішілеріне қамқор болатын, - деп жазды Руслан.

Баланың индустриалды аймаққа қалай барғаны және неге қараусыз қалғаны белгісіз.

Істе бірнеше оғаштықтар бар. Мысалы, баланың телефоны мәйіттің жанынан табылған. Бірақ ол зақымдалмаған. Бала биіктен құлап түрлі жарақат алған, ал телефон бүтін.

– Неге қаланың барлық жерінде және Шығыс мөлтек ауданында орналасқан қауіпсіздік камераларын тексеруге болмайды? 20 шілде түстен кейін бала қайда және кіммен бірге жүрген? - деп сұрады Руслан.

Тағы бір оғаштық. Жұртшылық арасында қызды көлік қағып кетіп, оны алып кеткен деген қауесет бар.

Істі жүргізетін тергеуші ата-аналармен кездесуден бас тартып, тергеу барысы туралы ешқандай ақпарат бермеді. Енді марқұм баланың әке-шешесі кінәлі жауапкершіліктен жалтармайды деген үмітпен болған оқиғаның куәгерлерін іздестіруде.

Алайда, Алматы облыстық полиция департаментінің баспасөз қызметі қыздың денесінен зорлық-зомбылықтан қаза табу белгілері табылмады деп сендірді.

– Оқиға орнына жедел-тергеу тобы барды, оқиға болған жер зерттеліп, заттар тәркіленді. Тергеудің алдын ала нұсқасы бойынша, қыз ғимараттың 4-қабатынан құлаған, - деп хабарлады Алматы облысы ПД баспасөз қызметі.