Қарапайым адамдарда «жаңа Қазақстанның» бейнесі қалыптасты – Қарин

Мемлекеттік хатшы Ерлан Қарин сұхбат беріп, президенттің жолдауына қатысты қандай өзгерістер болатынын айтты. Сұхбат барысында мемлекеттік хатшы мәслихаттың жалпы статусы жоғарылайтынын айтты.

– Қазір мәслихаттың көптеген мәселелерді шешуге құзыреті бар. Президенттің соңғы бастамасында бұрын мәслихаттың хатшысы болатын болса, енді мәслихаттың төрағасы деген бар. Яғни, мәслихаттың жалпы статусы жоғарылайды, - деді Ерлан Қарин Ұлттық арнаға берген сұхбатында.

Сондай-ақ, партияны тіркеу үшін процедуралық тұрғыдан барлық жағдай жасалатынын айтқан Ерлан Қарин партия құрып, тіркеймін дегендерге барлық жағдай жасалатынын жеткізді.

– Бұрын партияны тіркеу үшін 20 мың қол жинау керек болса, қазір 5 мың. Егер де бастамашы топтың құрамында бұрын 1000 адам міндетті болса, қазір 700. Аймақтардағы өкілдіктерде 600 адам болатын болса, қазір 200 адам болды. Яғни, партия құрамыз дегендерге партияны тіркеу үшін барлық жағдай жасалды, - дейді Ерлан Қарин.