Арандатушы бейне жариялады деп айыпталған блогер қамауға алынды

Қазақстандық блогер арандатушылық бейнелер жарияланғаннан кейін қамауға алынды, деп хабарлайды Ішкі істер министрлігінің баспасөз қызметіне сілтеме жасап Orda.kz.       

«Ойын-сауық мекемесінің арт-директоры қызметін қоса атқарған әлеуметтік желілердегі белгілі арнаны жүргізетін блогер арандатушылық контент арқылы жұртшылықтың назарын аудармақшы болды. Желіде мекемеге келушілерге тиісіп, әдепсіз қылық көрсетіп, әдепсіз сөздер айтылған бейнежазба жарияланды. Бұл жарияланымдар қала тұрғындарының наразылығын тудырды. Нәтижесінде 33 жастағы блогер көпшілік алдында жаман сөз айтқаны, айналадағыларды құрметтемегені және қоғамдық тәртіпті өрескел бұзғаны үшін 15 тәулікке қамауға алынды» деп жазылған хабарламада. 

Қаралым мен лайк жинап алу шін өрескел әрекетке бару -  заң бұзушылықты ақтай алмайды, деп атап өтті полиция. Бұндай фактілердің барлығы заңнамаға сәйкес өз бағасын алады, жолы кесіледі. 

«Әлеуметтік желілердегі блогтар мен парақша жүргізетін азаматтар арандатушылық және қорлайтын материалдарды жариялау елеулі жауапкершілікке әкеп соғатынын есте сақтауы керек. Ғаламтордағы танымалдылық  заң мен мораль нормаларын сақтаудан босатпайды», деп толықтырды ІІМ. 

Сондай-ақ, Мәжіліс депутаты Екатерина Смышляева ChatGPT-тің 13 жастағы жасөспірімдермен «қарым-қатынасын» зерттеу туралы, ондағы жасанды интеллект тарататын  қауіпті кеңестер жайында айтып берді