Қаралы шаңырақ: «Қаңтарда қан төгілмеді» деген әкімнің сөзін ұяты өлшесін
Ақтөбеде Қаңтар оқиғасынан кейін қайтыс болған Файзулла Нұргелдиннің туыстарына облыс әкімі Оңдасын Оразалиннің «Қаңтарда қан төгілмеді» деген сөзі ауыр тиген.
Ақтөбеде Қаңтар оқиғасынан кейін бауырын жер қойнына берген Айгүл Нұргелдина әлі ес жия алмай жүргенін жеткізді. Қара жамылған шаңырақ ешкімге сенбейді.
— Айта берсін. Әркім өз кінәсін өзі көтерер. «Қан төгілмеді» десе ұяты білсін. Біз қалай жылап қалдық, олар да солай жыласын. Бәрінің де анасы, бауыры бар. Кінәліні Құдай жазаласын. Істі тергемесе, термей-ақ қойсын. Жауып тастасын, - дейді марқұмның туысы Айгүл Нұргелдина.
Естеріңізге салсақ, Ақтөбе облысының әкімі Оңдасын Оразалин: «Тарихта қан төгуге жол бермеген әкім ретінде қаламын. Бұл пікірімді ешқашан өзгертпеймін» деген еді.
Файзулла Нұргелдин қаңтардағы наразылық шарасы кезінде ауыр жараланғандардың бірі. Төрт күн ес-түссіз жатқан. Комадан тұрған науқасты дәрігерлер «жағдайы жақсарды» деп үйіне шығарып жібереді. Бір ай ішінде денсаулығы нашарлап, қызуы түспей ауруханаға қайта түскен. Ұзамай қайтыс болды.
— Басында не болғанын мен қайдан білейін. Отадан кейін жақсы болады деп ойладық. Төрт күн комада жатты. Шыққанына қуандық. Ауруханадан жарқ етіп шыққандай болып еді... Жарқ етіп алып кетті. Аяқ астынан қызуы көтеріліп, түспей қойды. Ауруханадан телефонмен ғана сөйліп отырдық. «Бәрі жақсы, тек қызуым түспей жатыр» дегеннен басқа ештеңе айтқан жоқ. Аурухана дәрігерлері жақсы болады деп сендірді. «Өміріне қауіп төніп тұр» деген ескерту де айтылмады. «Ауырсындым» деп шағымданған жоқ. Бәрі ішінде кетті. Ештеңе айтпады. Анасы ауруханада жатыр. Қаза ауыр тиді. Қарт кісі екі күн үйде болса, бес күн ауруханада жатады, - дейді апасы.
Қазір Ақтөбе облысының прокуратурасында Қаңтар оқиғасына қатысты 23 қылмыстық іске қатысты тергеу жүріп жатыр. Әлі бірде-бір іс сотқа түскен жоқ. Сонымен қатар, 7 күдіктіге күзетпен ұстау түріндегі бұлтарпау шаралары қолданылған.
— Облыс прокуратурасына полиция қызметкерлерінің тарапынан лауазымдық өкiлеттiктерді асыра пайдалану және қорлау дерегі бойынша 10 арыз түсті, оның ішінде 5 шағым бойынша қылмыстық істер қозғалды, - деді облыс прокурорының бірінші орынбасары Қ. Рахметов.
Прокуратура Қаңтар оқиғасы кезінде қаза болған 46 жастағы Файзулла Нұргельдин және 30 жастағы Русланбек Жұбаназаровтың өліміне қатысты істердің тергелуде екенін хабарлады.
Прокуратура мәліметінше, Қаңтар оқиғасы кезінде барлығы 42 адамға қатысты сотпен айыппұл түріндегі жаза тағайындалған.
Ардақ Ерубаева, Ақтөбе
Жаңалықтар
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды