Аралдың солтүстігінде су мөлшері көбейді

2024 жылдың қазанынан осы жылдың қаңтарына дейін Арал теңізінің солтүстік тұсына 1 млрд текше метр су жіберілді, деп хабарлайды Orda.kz. 

Бұл туралы су ресурстары және ирригация министрлігі мәлімдеді. Министрлік хабарлағандай, бұл жоспарланған көлемнен 100 млн текше метрге артық екен.

2025 жылдың соңына қарай теңіздегі су көлемі 23,4 млрд текше метрге дейін жетеді деп күтілуде. 

Қызылорда облысының күріш алқаптарын лазерлік жоспарлаушымен тегістеу және су үнемдеу технологияларын пайдалану шамамен 200 млн текше метр суды үнемдеп, оны Солтүстік Аралға жіберуге мүмкіндік берді. Орташа өнімділік гектарына 40-55 центнерден 70-80 центнерге дейін артты.

Ведомство мәліметінше, Үлкен Арал теңізінің тартылған аумағын қалпына келтіру үшін 4,4 млн көшет отырғызылған. 

2025 жылдың соңына қарай Арал теңізі табанын көгалдандырудың жалпы көлемі 1,1 млн гектарға жетуі тиіс.