Қарағандылықтар жаңа асфальт құрметіне отшашу жасады

Жеке тұрғын үйде тұратын қарағандылықтар көшелеріне төселген жаңа асфальт жолға қатты қуанып, оны ерекше атап өтті.

Олар мерекелік дастархан жайып, отшашудан шашу шашты. Мерекеден видео қарағандылық «Халықтық бақылау» қоғамдық бірлестігінің парақшасында жарияланды.

«Тату көршілер өздері тұратын Солнечная көшесі мен Пичугина көшесінің қиылысында көптен күткен жаңа асфальттың төселуін атап өтті. Олар дастархан жайып, тіпті отшашу ұйымдастырды, мені, әкімдіктің өкілін және мердігер ұйымды шақырды, өкінішке қарай, мен шетелдемін, келе алмадым, дегенмен осы отырыстан түсірілген сурет, видеолар маған да жетті», - делінген видеоның астында.