Қарағандыда жол көрсеткіштерде Нұр-Сұлтан орнына Астана деп өзгертілді

Қарағандыда елорда атауы жол көрсеткіштерде өзгерді. Енді Нұр-Сұлтанның орнына бұрынғы Астана атауы қолданылады.

Бұл туралы Facebook-те Денис Малинов есімді тұрғыны бөлісті.

Еске салсақ, қазақстандық мемлекеттік БАҚ-тарда қаланың атын Нұр-Сұлтан деп атамай, «астана» немесе «елорда» деп атайды.

Сонымен қатар, желіде Астана атауын қайтару туралы петиция жарияланған болатын.

P.S: Қарағанды әкімдігі елорда атауымен көрсеткішті өзгерткені туралы ақпаратты жоққа шығарды.

«Ақпарат шындыққа жанаспайды» деп хабарлады әкімдіктің баспасөз қызметі.

Қарағандының «7-ші магистраль» автомобиль жолындағы ескі жол көрсеткішін әлі ауыстыруға үлгермеген. Бұл көрсеткіш биыл автожолды күрделі жөндеу аясында ауыстырылады, деп сендірді әкімдік.