Қарағандыда жалдамалы жұмысшылар бригадир мен үй иесін өлтірді

Қарағандыда адамдарды өлтірді деген күдікке ілінген азаматтар ұсталды.

Бұл туралы Orda.kz Polisia.kz сайтына сілтеме жасап хабарлады.

Қылмыс 4 қараша жекеменшік үй ауласында орын алған. Онда құрылыс бригадасы жөндеу жұмыстарын жүргізген. 59 жастағы үй иесі мен 72 жастағы бригадир жұмысшылармен келіспей қалған. Салдарынан жанжал шыққан.

Куәгерлердің айтуынша, құрылысшылар екі адамды пышақтап кеткен. Олар оқиға орнында алған жарақаттарынан көз жұмған. Құрылысшылар марқұмдардың бірінің көлігін айдап, оқиға орнынан кетіп қалған.

Оқиғаға қатысты Intercept жоспары жарияланды. Көлік бірден бейнебақылау камераларына түсіп қалған. Күдіктілер Қарағанды-Теміртау тас жолында ұсталды.

– Ұсталғандар кінәсін мойындады. Қылмыс құралы тәркіленді, - деді Қарағанды ​​облыстық полиция департаментінің басшысы Ерлан Файзуллин.

Белгілі болғандай, күдікті құрылысшылардың бірі 34 жаста, енді бірі 39 жаста болған.

ҚР Қылмыстық кодексінің 99-бабы «Адам өлтіру» бабы бойынша қылмыстық іс қозғалды. Қылмыскерлер 20 жылға дейін бас бостандығынан айырылуы мүмкін.