Қарағандыдағы дала өртін сөндіруде жарақат алған үш адамның біреуі қайтыс болды

Қарағанды облысы Қарақаралы ауданындағы дала өртін сөндіру кезінде зардап шеккен үш адамның бірі қайтыс болды.

Бұл туралы  Orda.kz   Қазақпаратқа сілтеп хабарлады.

48 жастағы ер адам Қарқаралы орталық аудандық ауруханасында көз жұмды, деп жазды аталған басылым.

— Егіндібұлақ ауылынан 3 адам жеткізілді. Оның біреуінің денесін 90 пайызын күйік шалған. Өте ауыр күйік шогын алған. Термоингаляциялық жарақат. Жасалған шараларға қарамастан, өкінішке қарай, науқас алған жарақатының ауырлығынан қайтыс болды. Екінші науқастың денесінің 28 пайызын күйік шалған, үшіншісінде - 18 пайыз күйік. Олардың жағдайы тұрақты, - деді Қарағанды облысы денсаулық сақтау басқармасының баспасөз қызметі.

 17 қыркүйек күні  Қарағанды облысындағы Ақтоғай, Қарқаралы және Шет аудандарында 6 табиғи өрт сөндірілді. Одан бөлек, 18 қыркүйекте Ақтоғай ауданында 300 гектар алаңында табиғи өрт тоқтатылды.

Жалынды сөндіруге барлығы 339 адам және 94 техника жұмылдырылды.