Қарағандыдағы Октябрь ауданына Әлихан Бөкейхановтың аты берілді

2021 жылғы 9 желтоқсанда Қарағанды облыстық мәслихатының кезекті сессиясында депутаттар Октябрь ауданының атауын өзгерту туралы құжатты бірауыздан қабылдады.

Қарағанды қаласының Октябрь ауданын публицист және ғалым, «Алашорда» көшбасшысы және большевиктік революцияның идеялық қарсыласы Әлихан Бөкейхановтың құрметіне беру туралы ұсыныс 2016 жылы айтылды.

Аудан атауын өзгерту биылғы жылы атап өтілетін 155 жылдық мерейтойға орайластырылды.

Енді Майқұдық, Пришахтинск және Сортировка елдімекендерінен тұратын аудан ресми түрде Әлихан Бөкейханов ауданы деп аталады.

Әлихан Бөкейханов – қазақтың мемлекеттік, саяси және қоғам қайраткері, ұлт-азаттық және Алаш партиясының жетекшісі, Алашорда автономиялы үкіметінің төрағасы, публицист, ғалым, аудармашы.