Қарағандыда мал қауіпті дертке шалдықты ​

Қарағанды ​​облысында бірден бірнеше сиырдан ауру табылды.

Астана телеарнасының хабарлауынша, Қарқаралы ауданындағы шаруалардың бірінің төрт сиыры бірдей ауруға шалдыққан. Ветеринарлық инспекцияның айтуынша, қауіпті инфекция басқа малға жұқпау үшін олар өртелген.

Ауру ошағын тез арада анықтап, 70-тен астам сиыр мен 400-ден астам қойды аман алып қалуға мүмкіндік туды. Үй жануарларының иелері өтемақы алады. Ауру ошағында дезинфекция жүргізіледі.

Айта кетсек, құтырма ауру адамға жұғуы мүмкін.

«Аурудың себебі - табиғи ошақ, жабайы жәндіктердің шағуы. Құтыру диагнозы қойылған. Ал қазір республикалық эпидемияға қарсы жасақ барлық алдын алу шараларын жүргізіп жатыр. Бұл шаруашылықтан ет пен малды сыртқа шығаруға тыйым салынды. Басқа жануарларға вакцина егілді. Жағдай бақылауда» деді Ауыл шаруашылығы министрлігі Ветеринарлық бақылау комитетінің Қарағанды ​​облыстық аумақтық инспекциясының басшысы Данияр Мерғазин.