Қарағандыда ер адам ұялы телефонды түрмеге тік ішегіне тығып кіргізген

Қарағанды облысында сотталушы колонияға ұялы телефон алып кірмек болған. Ол тыйым салынған бұйымды өзінің тік ішегіне тыққан.

КТК телеарнасының хабарлауынша, түрме күзеті ер адамды рентген аппаратына түсіріп, артынша оны үлкен дәретке отырғызған.

Сотталушының ішінде тек телефон болған, оның қуаттағышы табылмады.

Ер адам бұған дейін тергеу абақтысында болған, колонияға сот шешімінен кейін жаңа келгені анықталды.

Болжам бойынша, сотталушы ұялы телефонды өзімен алып келген. Бірақ колонияда рентген аппаратынан өту керектігін білмесе керек.

Енді айыпталушы бұл әрекеті үшін 10 күнге тәртіптік изоляторға қамалды.