Қарағандыда белсендіні өлтірді деп сотталған ер адам рақымшылық бойынша босатылды

Қарағандылық белсенді Олег Гарницкийді өлтірген сотталушы үкім шыққаннан кейін екі ай өткен соң рақымшылықпен босатылды.

«Бүгін ауруханада көз жұмған белсенді Олег Гарницкийді өлтірген сотталушы Иван Василенко рақымшылықпен босатылды. Ол колонияда екі ай болды» деп хабарлады Вечерняя Караганда.

Ер адамдар арасындағы жанжал сенбілік кезінде шыққан. Сотталушының баласы қолын кесіп алғанда Василенко бірден Гарницкийге жұдырақ ала жүгірген. Олег бірден жерге құлап, есінен танып қалады. Бір айдан кейін ер адам басынан алған жарақатынан кейін ауруханада қайтыс болды.

Иван Василенко «Абайсызда адам өліміне әкеп соқтыру» бабы бойынша сотталып, оған бір жарым жыл колонияда отыру жазасы тағайындалды. Сот үкімі өткен жылдың қараша айында шыққан.

Белгілі болғандай, облыстық сот алқасы дүйсенбі күні рақымшылық жасау туралы шешім шығарды.

«Қылмыстық кодекстің 104-бабының бірінші бөлігінде көзделгендей, қылмыс онша ауыр емес қылмыс болып табылады. «ҚР Тәуелсіздігінің отыз жылдығына орай рақымшылық жасау туралы» ҚР Заңының 2-бөлігінің 1-тармағына сәйкес қылмыстық іс қозғалды. Ауыр емес қылмыс жасаған адамдар негізгі жазадан босатылады. Бұл заң талаптары сот үшін міндетті» деді облыстық соттың баспасөз қызметі.

Үкімнің қалған бөлігінде, оның ішінде 5 миллион теңге моральдық шығын өндіру туралы бірінші сатыдағы сот шешімі өзгеріссіз қалдырылды, деп қосты сот.