Қарағандыда балабақша тәрбиешісі балаларға қол көтерген

Қарағанды ​​облысының Абай қаласында Наурыз мерекесін тойлау кезінде балабақша тәрбиешісі балаларға қол көтерген. Оның іс-әрекеті бейнебақылау камераларына түсіп қалған.

«Абай қаласындағы «Әдемі» балабақшасында келеңсіз оқиға орын алды. Видеоға тәрбиешінің топтағы балаларды желкесінен ұрып жатқан сәті түсіп қалды. Балалардың ата-аналары болған оқиғаны жария етуді ұйғарды. Тәрбиешінің ұлттық костюм кигеніне қарағанда, оқиға Наурыз мейрамын тойлау кезінде орын алған» делінген хабарламада.

Абай ауданының білім бөлімі оқиғаға қатысты пікір білдірді.

«Әдемі» балабақшасы жеке меншік мектепке дейінгі мекеме және Абай ауданының білім бөліміне бағынышты емес. Жеке меншік бақша 2021 жылдың ақпан айында ашылды, 550 орынға есептелген. Аталған факті бойынша комиссия құрылып, қарау қорытындысы бойынша қажетті шаралар қабылданатын болады» деп түсіндірді білім бөлімі.

Сондай-ақ, видеожазба полицейлердің назарына іліккен.

«Жариялау фактісі бойынша қазіргі уақытта жәбірленушілерді және болған оқиғаның мән - жайларын анықтау бойынша іс-шаралар жүргізілуде» деп хабарлады Қарағанды облысы полиция департаментінің баспасөз қызметі.